Home » Awe 14 di juli MEP ta recorda 18 aña di fayecimento di sra. Grace Heronimo-Bareño

Awe 14 di juli MEP ta recorda 18 aña di fayecimento di sra. Grace Heronimo-Bareño

by sxm
0 comment 77 views

Awe 14 di juli nos ta recorda 18 aña di fayecimento di un di e politiconan femenino cu mas a destaca durante e añanan 70 y 80 di siglo pasa, esta sra. Grace Heronimo-Bareño (dfm).

Grace a nace na Aruba dia 22 di maart 1945. Na un edad hoben Grace a tuma e decision pa drenta arena politico y a aparece pa prome biaha riba lista di MEP na 1975 y tabata e prome dama cu a yega di aparece riba nos lista, obteniendo 455 voto, cual ta un cantidad considerabel e tempo ey. Te cu e eleccion di 1989 Grace fielmente a aparece riba lista di nos partido.

Grace tabata tambe e promer dama na Aruba cu a asumi e encargo di diputado. Durante di su trayectorio como gobernante Grace a dedica gran parti di su trabao den e area social y specialmente pa esnan cu limitacion. El a percura pa crea facilidadnan adapta pa e grupo special aki, e.o. Pasadia pa mucha cu limitacion, Scol pa personanan cu limitacion, Pasadia pa adulto cu limitacion y Centro di entrenamento. Tambe tabata bao di su maneho cu onderstand a bira un derecho pa tur esnan den necesidad.

Grace tabata tambe miembro di Eilandsraad. Como politico activo Grace a lucha schouder cu schouder cu nos libertador Betico Croes y tabata danki tambe na su perserverancia, curashi y determinacion cu awe nos tur riba Aruba ta goza di nos Status Aparte.

Como muestra di aprecio y reconocimento,  MEP a duna e hala femenino di partido e nomber di Forza Femenino Grace. Su lealtad incondicional na su partido MEP y su stimacion pa Aruba lo keda semper den nos memoria. Cu Grace sigui sosega den brasa di nos Señor.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio