Home Uncategorized PA ESNAN INTERESA PA TRAHA NA URNANAN ELECTORAL

PA ESNAN INTERESA PA TRAHA NA URNANAN ELECTORAL

SHARE

ORANJESTAD – Dia 22 september 2017 lo tin eleccion pa miembronan di Parlamento di Aruba. Pa es motibo Registro Civil y Censo kier a informa cu lo cuminsa tuma nomber di e personanan interesa cu kier sinta como miembro na urnanan electoral riba e dia di eleccion. Conforme articulo 37 di nos Ordenansa Electoral e miembronan di urnanan mester ta personanan cu tin derecho di voto, es decir mester ta di nacionalidad Hulandes y ta registra na Registro Civil y Censo prome cu 5 juli 2017 y dia di eleccion tin 18 aña bai ariba.

Pa e presidentenan y presidentenan suplente di e urnanan nos lo desea di haci uso di personanan den enseñanza of cu experiencia amplio den e funcionnan aki.

Pa dicho registración, por tuma contacto desde 14 juli 2017 na:
e-mailadres: shirley.geerman@censo.aw
tel: 5223656

Personan cu wordo acepta lo ser notifica na tempo y por escrito di nan aceptacion.