Home Uncategorized Polis ta confisca un mega cargacion di droga, 1751 kilo di Cocaina...

Polis ta confisca un mega cargacion di droga, 1751 kilo di Cocaina a keda confisca y kima

SHARE

PARAMARIBO,Surnam: Diamars mainta Polis surnameo a kima un cantidad record di cocaina, 1751 Kilo di droga. E cocaina a wordo confisca diabierna siman pasa riba waf na Paramaribo. 

E droga tabata scondi den 49 handbag di deporte den diferente containers entre cargacionnan di blokienan palo. E destinacion di e droga no ta conoci, asina polis a duna di conoce. Diabierna polis tabata tin un pista cu e droga lo tabata destina pa Belgica, pero despues no tabata sigur di esaki.

Polis na Surnam no a detene niun hende ainda den e caso aki, pero segun vocero di polis ta hopi importante pa traha hopi cauteloso riba e caso aki, durante investigacion y eventualmente na momento cu detencionnan lo por cay.

Desde algun siman caba e cuerpo di Aduana di Surnam ta ehecutando un control di 100 porciento riba tur loke ta sali for di e waf.
E minister di Financia di Surnam ta responsabel pa e cuerpo di Aduana y ela duna ordo pa haci e control di 100% aki.  Prome nan tabata haci steekproef controle, dus aki aya y si nan mira cu e carga ta sospechoso, pero awo niun container no ta sali for di waf prome cu e wordo 100% controla.

E motibo principal di e control severo aki, ta cu na Europa ta garando mas y mas droga cu prome y den cual Surnam ta e waf for di unda mayoria di e droga ta pasa pa bay Europa.