Home » Otmar Oduber Lider di POR Crowdfunding lo stimula entrepreneurship, economia y beneficia negoshinan existente na Aruba

Otmar Oduber Lider di POR Crowdfunding lo stimula entrepreneurship, economia y beneficia negoshinan existente na Aruba

by sxm
0 comment 75 views

Partido POR ta desea di informa comunidad riba  nos programa di gobernacion). Den e articulo aki lo  dedica atencion na locual cu POR ta presenta riba tereno di e maneho economico y den e caso aki crowdfunding.

 POR ta para pa stimula mentalidad di entrepreneurship den nos comunidad, brinda mas apoyo na inversionista local, tanto den conocemento (legal, fiscal, laboral, etc), como tambe pa yuda facilita acceso na capital den cooperacion cu stakeholders. Igualmente POR ta sostene e promocion di  sistemanan alternativo di financiamento manera “venture capital”, “crowdfunding” y “microfinance” pa asina facilita e proceso di mobilisa capital local pa financia inversionnan local.

 

Papiando specificamente di crowdfunding,  esaki ta algo cu a crece hopi e ultimo añanan aki den exterior. E ta e practica di funda un proyecto door di recauda cantidad/suma chikito di placa di un grupo grandi di persona, hopi biaha esaki ta tuma luga via di internet. Enbes cu tin e proceso tradicional di inversionistanan, campañanan di crowdfunding ta wordo funda door di publico, esaki por inclui amistadnan, famianan, coleganan of cualkier persona cu e doño di e proyecto ta conecta cu ne. Finalmente personanan individual cu no ta conecta na e doño pero cu ta kere den e proyecto tambe ta cuminsa sostene e campaña y contribui cu fondo.

 

Mientras cu crowdfunding ta crea oportunidad cu un compania chikito no ta ricibi den formanan tradicional, e ta bon tambe pa compania cu ya ta estableci. E companianan aki kisas kier expande nan producto y ta sondea si e inversion lo ta un bon idea. Via crowdfunding a wordo comproba cu bo ta crea un entusiasmo y antisipacion prome cu lansamento di un producto. Tambe e ta duna un bista di e audiencia y futuro cliente cu ta interesa den e producto. Banda di e beneficionan aki, crowdfunding ta un empuhe economico y cualkier cos cu ta yuda genera entrada ta hopi necesario den e economia actualmente mientras ta sigui encurasha entrepreneurs pa sigui bin cu productonan nobo.

 

Te cu diabierna awo ainda abo por tin e oportunidad pa duna reaccion riba e contenido di nos “Plan di Accion” y trece bo ideanan dilanti. Por manda e reaccion/comentario aki riba [email protected].

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio