Home » NG La Banda lo trece e “Timba Cubano” na Aruba.

NG La Banda lo trece e “Timba Cubano” na Aruba.

by sxm
0 comment 74 views

NG La Banda lo tey na Aruba pa duna un gran presentacion dia 15 di September na Renaissance Festival Plaza hunto cu Caribbean Sea Jazz Festival.

José Luis Cortés  a integra como flautista den agrupacionnan musical importante , cu a marca su seyo riba e musica  cubano.  Cu su 16 aña  el a cuminsa traha  cu e orkesta “Los Van Van”, di cual e ta e fundador. Despues, pa su desaroyo como instrumentalista, e maestro Chucho Valdez a yame pa e integra den e conhunto “Irakere”. Den e agrupacion aki José a siña toca cu varios “blaas instrument” y a compone varios obra cu a bira hopi popular.

José Luis Cortés a forma NG La Banda na aña 1988. NG La Banda probablemente e miho grupo di baile y esun mas emocionante di e decada di 1990. Incluyendo musiconan briyante cu anteriormente a toca cu “Irakere” y “Los Van Van”, e grupo ta conoci pa pone enfasis riba ritmonan strak y su brass agresivo cu su nomber e “Brass di Teror” cu un zonido propio e “Timba Cubano”.  

NG La Banda a bira conoci como e musica di tur hende, di e barionan y e zonanan mas pober di la Habana, Cuba. Cuba su musica popular semper tawata e musica di tur hende, di e pobernan di bario, unda cu tin masha poco hende blanco. Sinembargo , hopi intelectualnan a considera NG La Banda demasiado sushi y vulgar pa ta un forma di arte valido.  Cortes a bira conoci como”El Tosco of ‘Rude Boy’ pa su letranan sexual y su presencia sin berguensa riba scenario y riba caya. Como resultado di NG La Banda su exito hopi otro bandanan Timba a surgi durante añanan 1990.

Timba ta e zonido di e Cuba actual, un ritmico denso, musica implacablemente energetico, interpreta pa musiconan altamente califica pa un publico di pista di baile exigente , cu letranan cu ta  saca y cu ta forma parti di e lenguahe di caya

Tur e trabaonan aki cu NG La Banda ta hasi ta ser considera como un di e formacionnan musical mas importante di tur tempo. NG La Banda tawata e orkesta di un generacion nobo di musiconan di Cuba. José ta considera di ta un di e miho flautistanan di Cuba y di Latino America.

Ata bo chens pa disfruta di e gran musica directamente di Cuba. Pasa cumpra bo ticket awe mes y disfruta di e gran presentacion cu Caribbean Sea Jazz su por bin cu dia 15 y 16 di September. Ticketnan ta obtenibel na Superfood, Casibari Café of online riba www.caribbeanseajazz.com pa solamente $ 65 pa anochi.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio