Home » ESHA TA CANTA PA MIRONES LOCAL Y INTERNACIONAL DURANTE ARUBA SUMMER MUSIC FESTIVAL 2017.

ESHA TA CANTA PA MIRONES LOCAL Y INTERNACIONAL DURANTE ARUBA SUMMER MUSIC FESTIVAL 2017.

by sxm
0 comment 75 views

Aruba su cantante sensacional, Esha, a canta en bibo pa mas cu 8 mil mirones durante e 2017 Aruba Summer Music Festival diasabra dia 1 di juli. E evento a wordo teni na Harbor Arena, Oranjestad, y ta un evento anual di dos dia presentando musiconan condecora. E aña aki, Esha a wordo uni cu artistanan incluyendo Juan Luis Guerra, Gilberto Santa Rosa, Maluma, Silvestre Dangond, y Zion & Lennox.

 

El a canta seis cancion, incluyendo su smash single, “Yesterday,” di su prome CD “Beautiful,” y tambe su ultimo single, “Until I Let Go,” di su CD nobo recien lansa, “Dangerous.”

 

“Cu mi ultimo CD mi kier a explora e peligernan di amor y relacion,” Esha a bisa. “E ta mane mi ta habri mi diario  pa esnan cu mi a skirbi tocante nan, mi infatuacionnan, y esey ta un tiki peligroso.” 

 

Desde e lansamento di e CD aki, miles di fans ya caba ta gaba su mensahe upbeat y inspiracional. “Mi tabata kier pa Dangerous ta mas elevando, mas positivo, mas poderando,” Esha a expresa durante entrevistanan recien cu medionan di prensa local.

 

 

Esha su presentacion na e Aruba Summer Music Festival tabata su mas grandi te awor y el a demostra na un audiencia internacional e magnitud di su abilidadnan musical y pa entretene. “E tabata un soño grandi di mi pa canta na Harbor Arena. Den pasado mi lo pasa banda di e local y bisa mi tata cu un dia mi lo duna presentacion eynan. Y awor, mi soño a bira realidad.”

 

 

Esha siguientemente lo duna presentacion na e Caribbean Sea Jazz Festival (15-16 september) na Renaissance Festival Plaza. Pa mas informacion riba e evento aki, por bishita nan website:  www.caribbeanseajazz.com.

Bo por haya Esha tambe na:

 

Pa pregunta of informacion adicional, por fabor manda email pa: [email protected]

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio