Home » A scoge a base di su virtudnan A eligi Darlene Laveist como empleado di luna na Hospital

A scoge a base di su virtudnan A eligi Darlene Laveist como empleado di luna na Hospital

by sxm
0 comment 59 views

ORANJESTAD, Aruba: Hospital a celebra cu su empleado di luna di Juni 2017 den persona di Darlene Laveist. A nomina Darlene Laveist a base di puntonan, virtudnan cu nan a manda dilanti pa asina e por yega na remarca y pa keda eligi como empleado di luna.

 

Locual cu ta resalta den Darlene como empleado ta cu e ta un persona cu ta gusta siña y desaroya su mes, manager di Human Resources, sra. Sheila Kelly a expresa. “E ta un persona hopi dinamico y yena di energia. Tambe e ta duna tur su apoyo y coopera cu otronan.” Darlene ta un persona cu semper ta mira cosnan na e banda positivo, pa asina e por drecha cosnan, procesonan, por ehempel den e departamento di Human Resources.

 

Algo cu ta pone Darlene destaca ta cu e no ta ria pa haci extra trabou, cu ta tareanan cu normalmente no ta pertenece na su encargo. “E ta un persona cu ora e hinca algo den su cabes pa ehecuta, e ta bay pe y haci’e mas miho posibel”, sra. Kelly a indica di e cualidad di su colega Darlene Laveist.

 

Secretaria di Human Resources di Hospital, Darlene Laveist, a keda scogi como empleado di luna di Juni. Darlene Laveist tabata emociona pasobra e no a spera cu nan a scoge su persona. “E tabata un sorpresa hopi bunita di mi coleganan cu a nomina mi como empleado di luna”, Darlene Laveist, kende tabata contento, a bisa.

 

Darlene Laveist ta un persona pro-activo na su pia di trabou y e ta kere cu otronan tambe mester haci mescos. Keda haci pa alcansa cosnan miho, di ta multitasking y semper keda siña algo nobo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio