Diasabra ultimo e Cede Paradera di MEP a keda inaugura den un forma festivo cu musica y tambe cu discurso politico di Lider di MEP Evelyn y di mi persona Parlamentario Xiomara Ruiz-Maduro kende ta encarga cu e Cede.
Eleccion ta mas cu bandera y sticker. Informacion ta crucial pa por forma nos propio opinion y tuma un bon decicion pa eleccion 2017 dia 22 di september proximo. MEP kier cumpli cu e deseo di Pueblo pa ta mas serca den nan districto cu informacion y asina bou encargo y responsabilidad di algun candidato di MEP den diferente districto lo tin Cede di MEP. Pa Cede Paradera mi persona Xiomara Ruiz-Maduro lo ta encarga.
Den un ambiente masha ameno y masaal, nos a brinda esnan presente informacion riba e Vision di MEP pa Aruba y nos a duna motivacion di nos presencia den politica di nos Pais. Un danki di curason ta bay na Team Xiomara pa e tremendo trabou desplega pa organisa un evento asina exitoso. Danki tambe na tur sponser cu a yuda nos. Y un palabra di profundo gratitud na tur persona cu a acudi na e Apertura Cede Paradera pa demostra nan sosten y apoyo na MEP y na mi persona en especial. Nos ta cla p’e cambio cu bo por confia aden!