Durante e fin di siman, candidatonan hunto cu un grupo di campañador di Partido Movimiento Electoral di Pueblo tabata bastante activo bishitando hogarnan den tur bario na Aruba. Pa Partido MEP ta importante pa hiba nos vision den pueblo pero mesun importante pa nos ta pa scucha e inkietud y preocupacion cu ta biba den e comunidad.
Loke cu ta na prome luga den e lista di preocupacionnan di e pueblo ta insiguridad. Den tur skina di nos pais, nos hendenan ta pidi pa bin mas siguridad. Cada candidato di Partido MEP ta scucha diariamente cu Aruba ya no ta e Aruba di antes mas. MEP ta determina pa trece cambio pa combati criminalidad y ilegalidad cu man duro cu un maneho di husticia dinamico pa trece bek ORDEN y RESPET!”. Movimiento Electoral di Pueblo su vision ta pa haci esaki den dos paso.
PASO 1:
• Control estricto na nos fronteranan. • Bin bek cu radar y helicopter. • Duna Warda Nos Costa autoridad y material pa controla nos costanan.
PASO 2:
•Combati criminalidad cu man duro.
•Preveni crimen door di haci mas agente policial visible riba caya y den bario.
•Intensifica proyecto Control di Camera.
•Ilumina mas bario.
•Reenforsa cuerponan di siguridad cu material y personal.
•Percura pa participacion di profesionalnan den un Plataforma Nacional di
Husticia y Siguridad.
•Fortifica e siguridad den areanan turistico cu un “Tourism Police”.
•Introduci e “Boton di Panico” pa duna un extra atencion na esnan
mas vulnerabel pa cu criminalidad.
Pa Partido MEP, Aruba ta prioridad. Y nos compromiso cu Aruba henter ta pa pone e hende central atrobe. MEP ta e solucion pa trece cambio y trankilidad bek. Hunto nos lo logra esaki. MEP lo ta drentando tur skina di Aruba cu nos mensahe di cambio.
Sigui nos riba nos pagina di Facebook pa bo por keda informa di tur nos eventonan.