Home Uncategorized Lidia Beaumont ta celebra 10 aña di servicio na Post Aruba N.V.

Lidia Beaumont ta celebra 10 aña di servicio na Post Aruba N.V.

SHARE

ORANJESTAD, Aruba- Post Aruba N.V. ta masha contento di por celebra hubileo di nan trahado aprecia Lidia Beaumont, kende a drenta den servicio dia 3 di Juli 2007. E ta cera 10 aña trahando den servicio postal.

El a cuminsa como “Medewerker Internationale Rekeningen” y awo e ta ocupa e posicion di “Reporting Officer”. Lidia Beaumont ta un persona cu semper cla pa yuda y tuma mas responsabilidad, por confia den su capacidadnan. Banda di esaki, e ta hopi keto, reserva y hopi dedica na su trabou.

Lidia Beaumont tin hopi conocemento y semper ta busca pa sa mas. E ta un bon compañero di trabou, su coleganan a duna di conoce. Post Aruba NV ta gradici Lidia Beaumont pa tur e añanan aki di dedicacion pa sigui celebra hopi aña mas cu e compania.

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba N.V y Aruba Stamps.