Kia Sportage horta haya na Maria Maai

Maria Maai – Diasabra mainta un Kia Sportage cu e nummer plaat Angela a ser haya ariba veld di Olympic.
E doño lo a avisa polis un rato prome cu e nan a horta su auto, e auto lo tawata na un adres na Macuarima.

Na e sitio e doño tambe a yega y a conta cu e anochi prome e lo a lubida di lock su otro auto, cu ta un Chevrolet Aveo.
Den oranan di marduga antisocialnan lo a habri e auto y a reboltea tur cos. Aki ta caminda nan a bin a haya e spare key di a Kia Sportage.

Nan a start e Kia y bay cune. Den e auto aki tambe nan a reboltea, manera nan ta buscando algo.
Nada di e auto a wordo desmantela, pero si nan a bay cu e jabi di spare.

Polis a laga tow e auto pa por haci investigacion.