159
L.G.Smith Blvrd – Diasabra mainta pa mas o menos 9:50 patruya di trafico ta topa cu dos persona ariba caminda benta, esaki tawata altura di Certified Mall.
Mes ora ta baha controla y ta constata cu ta trata di un accidente, caminda dos dama Hulandes a caba di bolter cu un quadracer.
Ta pidi ambulance cu spoed, mirando cu di nan tawata mustra grave.
Segun nos a compronde na e sitio, e pareha aki lo a caba di huur e quadracer. Pa un of otro motibo nan a perde control y ta dal contra e mata di kwihi, pa despues bolter.
Dos ambulance a presenta na e sitio pa a transportanan pa hospitaal.
Caminda a wordo cera, pa asina departamento tecnico di polis hunto cu departamento di trafico por a haci nan investigacion.