Home » Dama chauffeur coriendo cu velocidad halto, a causa boksmento entre varios auto

Dama chauffeur coriendo cu velocidad halto, a causa boksmento entre varios auto

by sxm
0 comment 90 views

Prof Lorentzstraat – Diasabra mainta polis a haya informacion di un accidente cu hende herida, den Prof Lorentzstraat.
E incidente a tuma luga dilanti un snackbar.

Ta asina cu un dama na stuur di un Toyota Corolla color di oro tawata bayendo cu velocidad halto, direccion Weststraat.
E prome auto cu e ta pasa raspa bay tawata un Toyota Tercel staciona medio ariba acera. Despues e ta sigui bay dal un Toyota Yaris color blanco, cu a slow down pa laga un auto pasa.

E auto cu a haya chance pa subi caminda, cu tawata un Yaris color cora tambe a haya, paso e Corolla a bay contra dje tambe.
Pues por imagina e desordo duro y susto cu tur hende eybanda a pasa aden, door di un chauffeur cu ta core cu velocidad halto den Bebouwde Kom.

Ambulancenan cu a yega e sitio a atende cu e personanan envolvi, niun di nan a wordo lesiona seriamente. Tawata trata mas tanto di susto cu nan a pasa aden.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio