240
Camay – Diahuebs mainta algo pasa di 8’or un dama ta para un cabayero y ta pidi e pa yama polis, paso un homber lo a maltrata su amiga.
Esaki a pasa den area di Camay. Algun rato despues e bati alarma cerca un otro persona mas, di e mes un cos cu ela bisa anteriormente.
E dama a bisa cu e homber ta bou influencia di droga y cu e caso aki a pasa na un compleho di apartamento na Camay. Varios unidad di polis a bay e sitio.
Na e sitio nan a topa cu e homber y e otro dama cu a wordo maltrata. Despues di e papia y scucha e versionnan di ambos banda a detene e homber.
Por a wak e dos damanan hiba warda, caminda nan por entrega keho y haya posiblemente ayudo di slachtofferhulp.