LAS VEGAS – Hendenan cu ta bandona nan cachonan hopi biaha ta wordo husga hopi malo, pero den e caso aki e shelter mericano na Las Vegas a yama e señora pa un persona hopi balente.
E señora a laga su cacho chiwawa stima den baño na e airport di Las Vegas, cu un carta cu ta kibra curason di tur hende.
E prome zin di e carta tabata bisa ” Hi, I am Chewy”, e carta a wordo haya door di un persona den baño banda di un chiwawa puppy di 3 luna bieu.
De carta ta sigui bisa su ” mi doño ta den un relacion amoroso hopi violento y no tin placa pa e por hiba den avion cu ne y e no kier lagami atras pero e no por haci nada otro.”
E puppy di 3 luna bieu a wordo interna na Connie and Millie’s Dog Rescue na Las Vegas y nan a yama e doño di Chewy un dama hopi balente. Via Facebook nan lo laga sa con ta bayendo cu e puppy Chiwawa y ta spera cu e doño di Chewy por lesa esaki tambe.