Deportivo Nacional a bataya te final pa bay cu e triunfo

ORANJESTAD, Aruba – Minister di Salud Publico, Cuido di Nos Grandinan y Deporte, Dr. Carlos “Alex” Schwengle a presencia e wega final di e campeonato 2016-2017 Division Honor. Minister Schwengle a duna pabien na ambos team cu a hunga fuerte y tabata busca pa bay cu e triunfo cas. Deportivo Nacional a bay cu e prome victoria, despues RCA a bay cu e victoria durante e di dos wega. Aunke cu tur 2 team tabata bataya fuerte na final Deportivo Nacional a bay cu e victoria di 3 wega, unda cu e hungadonan a cuminsa festeha desde stadion. Despues cu e wega a termina na stadion Guillermo P. Trinidad, e celebracion a continua na veld di Deportivo Nacional na Alto Vista. Aki Minister Schwengle a topa cu dirigente, team y fanaticonan kendenan a celebra cu despues di 10 aña e trofeo a bay Noord.