102
Estados Unidos: Sledgehammer Games y Activision lo lansa nan di 14 wega di e serie di Call of Duty, cual lo ta basa riba segunda guerra mundia, bayendo back na e raiznan di antes.
Den e wega di e serie aki no lo tin e science fiction manera e ultimo wega nan anterior cu a sali. Basa riba Segunda Guerra mundial, lo ta bay tin den e wega aki hopi ubicacion unico manera D-Day y varios otro batayanan cu a hunga un rol den segunda guerra mundial den Europa.
Call of Duty WW2 lo enfoca riba e accionnan di un grupo di 1944 te cu 1945, tambe lo inclui poco evento di 1940 te cu 1944. Esaki lo ta pa yuda e historia y asina establece e caracternan. E lo inicia den e conflicto na Europeo, for di e momento cu e forsanan alliado cuminsa crece durante e marcha pa Nazi Alemania.
Den e wega e hungandornan lo sigue e storia di Ronald “Red” Daniels, un persona cu a forma parti di e ehercito mericano y su grupo legendario di e United States 1st Infantry.
Nan lo experiencia escenanan di e guera europeo, unda nan lo uni cu forsa alliado di e Gran Bretania y e Resistencia Frances. Hunto nan lo pasa via e beachnan di Normandy, pa despues libera Paris y ultimamente nan lo yega te Alemania. E wega lo cuminsa wordo bendi for di dia 3 di november 2017.
Poco prome cu e wega aki sali riba mercado, lo ta possibel pa hunga un multiplayer beta version cu lo ta private beta pero lo tin cu pre order e wega pa asina haya chance pa hunga na e forma aki.
E Wega aki lo por wordo hunga riba Xbox, Playstation y Computer.