Home » MEP a bishita barionan di Cashero y Zumbo

MEP a bishita barionan di Cashero y Zumbo

by sxm
0 comment 77 views

E entusiasmo cu habitantenan ta ricibi nos ta grandi

Como ya ta un tradicion den temporada electoral, Partido MEP ta bishitando pueblo cu e intencion di cubri tur bario y tur cas di Aruba cu nos mensehe di cambio pa nos pais.

Candidatonan hunto cu nan sostenedornan, tur dia ta bishita casnan pidiendo e confiansa y sosten di voto pa Partido MEP goberna nos dushi Aruba.

Den fin di siman Lider di Partido MEP, sra Evelyn Wever-Croes hunto cu candidato y sostenedornan a drenta cu hopi entusiasmo den bario di Cashero y Zumbo na Santa Cruz. Un grupo grandi di campañadornan a forma un ambiente riba caminda pa asina Cashero y Zumbo y Santa Cruz henter sa cu MEP ta den bario. Y asina habitantenan a habri porta pa nos y a ricibi nos cu brasa habri.

Ciudadanonan di Santa Cruz tambe ta pidi pa un cambio. Mayoria ta expresa cu Aruba no ta e Aruba di antes mas unda cu por a biba trankil cu porta y bentana habri. Aruba mester un cambio completo riba e tereno di siguridad y criminalidad. MEP lo trece orden y respet bek.

Costo di bida halto ta un preocupacion tambe hopi grandi riba nos isla. No tin control di prijs riba productonan di necesidad den supermercadonan. MEP lo introduci mas producto den nos canasta basico pa alivia e situacion aki.

“MEP su compromiso cu Aruba ta pa pone e hende central atrobe. MEP ta e solucion pa trece cambio pa un miho economia y calidad di bida pa cada ciudadano. Hunto nos lo logra esaki. MEP lo ta drentando tur skina di Aruba cu nos mensahe di cambio”, Lider di MEP sra Evelyn Wever-Croes a expresa.

Sigui nos riba nos pagina di Facebook pa bo por keda informa di tur nos eventonan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio