Home » Famia AVP ta yama Arondino Croes bon bini

Famia AVP ta yama Arondino Croes bon bini

by sxm
0 comment 84 views

Cu un concentracion grandi di e famia di AVP, asina a ricibi Arondino Croes riba e lista di partido diadomingo atardi pa anochi. Croes ta un ex Parlamentario cu tabata afilia antes na e partido di oposicion, pero cu a reconoce e diferencia den vision y liderazgo y tambe e progreso cu esaki ta trece pa nos isla. Conviccion y curashi na e filosofia principal tras di su boluntad pa sirbi pueblo y esey ta cualidadnan cu AVP ta balora y lo pone na bon uso pa Aruba. Pesey Mike de Meza a yega cu un caravana di auto for di pariba mientras cu for di pabou lider Mike Eman y otro candidatonan a yega Santa Cruz cu centenares di simpatizante. Tur hende a bini hunto pa participa den e mini jump up cu a sali for di Rowiginis cu guia policial dor di su gran tamaño. Punto final tabata residencia na Macuarima caminda amigo y coleganan di Arondino Croes a hiba palabra, incluyendo lider di Partido di Pueblo Arubano manifestando e bon bini oficial riba lista di AVP. E actividad a culmina den oranan trempan di anochi despues cu tur esnan presenta a disfruta enormemente di e presentacion di bandanan N Fuzion y Buleria pa cera otro grandioso fin di siman di AVP na caminda pa un victorio historico dia 22 di september.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio