Home » Famia Dirksen ta buscando Renald Jose Dirksen, nan no sa di su paradero

Famia Dirksen ta buscando Renald Jose Dirksen, nan no sa di su paradero

by sxm
0 comment 78 views

Santa Cruz: Diabierna atardi e persona Renald Jose Dirksen a sali for di su cas na Papilon y te diasabra atardi e no a regresa su cas. Su famia ta hopi precupa paso segun nan ta bisa no tin niun motibo pa e keda asina hopi ora pafo di cas y no ta su custumber tampoco.

Renald Jose Dirksen ta naci na aña 1978 y tabata bisti cu un flanel blanco di e partido politico MEP na momento cu ela bandona su cas. Ayera ela bisa su famia cu e ta biniendo cas pero te den e oranan di diasabra atardi e no a yega cas ainda. 

E famia a pidi asistencia di polis pa yudanan buska nan ser keri y ta pidi pueblo en general ken por a mir’e of tabata tin contacto cu ne ayeranochi of awe durante di dia pa porfabor avisa autoridad of famia.

Renald ta core un Mitsubishi Lancer cora kima aña 1999 y e bumper ta blanco, riba e auto tabata tin sticker di MEP, e plaachi number di e auto ta A 24608.

Un biaha mas famia ta pidi pa ken cu por sa di e paradero di nan ser keri pa por fabor avisa un familiar of autoridad mas liher cu ta posibel. E famia ta pasando den oranan di angustia paso nan no sa unda Renald a keda.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio