Home Uncategorized Dama ta tira su pareha mata durante filmacion di un stunt video,...

Dama ta tira su pareha mata durante filmacion di un stunt video, cu lo mester a bay viral rond

SHARE

MINNESOTA, Estados Unidos, E dama Monalisa Perez ta los un tiro fatal riba su pareha Pedro Ruiz, esaki a sosode na Halstad, Minnesota Dialuna ultimo. Pedro Ruiz tabata wantando un buki dilanti su pecho y a pidi Monalisa Perez pa tira riba e buki. E intencion di e stunt aki tabata pa grab’e y pon’e riba nan youtube account cu speransa pe video bay viral.

Pedro lo a pensa  door cu e buki ta hopi diki  elo a wanta un tiro di un arma di candela.Na prome instante Monalisa no kier a participa den e stunt sumamente peligroso aki, pero Pedro a keda te cu ela convence su pareha pa nan bay hasi e stunt aki, ela mustr’e cu un otro buki cu ela tira caba riba dje y e buki a wanta e bala. Pedro y Monalisa tabata convenci cu nada lo por bay fout. Pedro a pone dos camara graba cu e speransa cu e grabacion di e stunt aki, cual ta un stunt sumamente peligroso sigur lo bay viral manera Pedro ta desea.          

E dama a para na un distancia cortico y a tire cu un pistol di 50 caliber,e buki no a  resisti e bala. Paramedico nan a declara cu Pedro a muri di un solo tiro na pecho. E arma cu a wordo usa ta un Gold Desert Eagle di caliber 50, cual ta un arma hopi poderoso.

E dama ta wordo acusa di homicidio di segundo grado y lo por wordo condena na un castigo di prison di 10 aña y alaves lo haya un boet di 20 mil dollar.

E dama mester a paga un fiansa di 7 mil dollar y na e momentonan aki e ta den libertad, pero ta prohibi pa e  tin un arma di candela den su posesion, e mester pone su abogado na altura di unda cu e bay, tambe e mester cana cu un gps monitor. Dia 5 di juli e lo tin cu presenta dilanti corte.

E pareha tabata tin un yiu y e dama ta na estado di nan di dos yiu. E pareha tabata kier a haya fama por medio di traha videonan di stunt pone riba youtube cu e speransa cu nan lo bay viral  rond y asina bira famoso. Desde 9 di mei ultimo pa te cu siman pasa nan a traha caba 18 video pone riba youtube pero no tabata haya hopi views y esaki a pone cu nan bay di e extremo aki cu a costa bida di Pedro Ruiz di 22 aña y alaves su pareha Monalisa di 19 aña actualmente ta colga un condena riba su cabes di 10 aña y un boet di 20 mil dollar.