Home Uncategorized Minister di Asuntonan Economico y Comunicacion, mr. drs. Richard Arends Small Business...

Minister di Asuntonan Economico y Comunicacion, mr. drs. Richard Arends Small Business Event lo enfoca riba 4 top sector di desaroyo economico

SHARE

Entrada ta gratis pero ta rekeri registracion adelanta 

 

ORANJESTAD, Aruba: Ministerio di Asunto Economico lo organisa dia 8 di Juli 2017 e “Small Business Event”. “Nos ta bezig ta promoviendo e areanan aki a base di 4 top sector cu ta logistica, tecnologia limpi, exportacion di conocemento y industria creativo”, asina Minister di Asuntonan Economico y Comunicacion, mr. drs. Richard Arends a splica. E Small Business Event lo tin presentacion di diferente oradornan, cu lo inspira negoshinan chikito y mediano di Aruba pa por haci nan inversionnan.

 

Durante ultimo añanan Gobierno di Aruba a haci hopi inversion grandi den infrastructura y den calidad di area publico. E maneho  di inversion aki a resulta de 5 area fisico cu Gobierno a presenta como e base pa diversificacion di economia, e area rond di refineria, e area di waf di Barcadera, e waf di Playa, e areanan di obranan infrastructural y e area rond di hospital. “E areanan fisico aki ta un fuente grandi di oportunidadnan economico unda cu basa riba e 4 top-sectornan por yega na e actividadnan comercial nobo.”

 

Durante e evento participantenan lo tende di hendenan cu experiencia den e ramo aki cu por sirbi como inspiracion pa inversionistanan nobo, pero tambe pa doñonan di empresa mediano y chikito. Despues di e parti mainta lo tin algun “breakout session”, lo bay tin diferente tayer di con pa cuminsa cu negoshi, kico ta e elementonan, kico ta e ingredientenan pa por tin un negoshi di exito. Ministerio di Asuntonan Economico a regla pa tur partner di Gobierno ta presente e ida ey, manera IDEA y Departamento di Asuntonan Economico.

 

Tambe lo enfoca riba e parti di ki ora por inverti den e calidad humano, e parti di “human resource” tambe lo ta hopi importante. Pe parti di impuesto nan lo tin un orador special cu lo atende cu e asunto di impuesto y e parti di financiamento y kico ta e stapnan pa inicia cu un empresa. Riba e mainta aki nan lo presenta diferente ehempel den comunidad, ehempel di negoshinan con nan a desaroya nan mes den e 4 top sectornan aki.

 

Minister Richard Arends ta invita comerciantenan nobo y existente, esunnan cu tin ideanan, esunnan cu tin plan. “Nos ta invita nan pa haya inspiracion e mainta aki y pa haci nan negoshi un realidad”, asina Minister Richard Arends a expresa. E companianan mediano y chikito ta e weso di lomba di nos economia.

 

E evento lo tuma luga den Renaissance Convention Center, cuminsando for di 9:30AM te cu 1:00PM. E evento ta gratis pero pa participa mester inscribi yamando 582-1181 ext. 439 of via e-mail l.croes@idea-aruba.com.