Lagoweg, San Nicolas -29/6/2017: Diaranson entre 2’or y mey cu 3’or di Marduga, un persona ta presenta na Warda di Polis na San Nicolas y ta splica cu mas o menos 10 minuut pasa ela wordo horta y maltrata door di dos homber color scur. Esaki a sosode na altura di Fan Bar and Restaurant den Lagoweg. E hombernan aki a bay cu su cellular Apple Iphone & plus color di oro.
E victima di fam Kang a declara, cu un di e hombernan tabata tin un tshirt cora bisti y e otro tabata tin un t shirt blanco bisti, nan tabata den un auto Sedan Blanco di 4 porta, parecido na un Honda Sedan cu glas getint. Tambe Kang a declara cu e dos hombernan aki tabata den e auto, nan a acerk’e y a bisa algo cu e no a compronde. Nan a sigui core bay direccion di Citgo y un rato despues nan a bin na pia y nan a acerk’e, e homber bisti cu e t shirt cora a ranca e cellular for di Kang su man y e otro bisti cu un t shirt Blanco a dal’e un mokete na e banda robes di su cara y a dal’e dos mokete tras di su cabes, despues ambos a bay diferente direccion, esun cu e t shirt cora a bay direccion di Papa Ciga Bar y e otro a bay bek direccion di Citgo.
Via e Apple ID a purba di localisa e cellular, pero sin resultado, denuncia a wordo haci.
En coneccion cu e ladronicia aki, polis a controla varios auto, entre otro un Honda Accord, blanco pero nada particular, tambe un Lexus IS250 a wordo controla y den e auto aki polis a haya un poco marihuana y un Iphone 7, color roos cu oro, mesora a confiscanan, pero a resulta cu e cellular aki no tabata di e victima y mesora ela wordo entrega bek na su doño.
