Home Uncategorized Dokter di Cuido Salud Hubenil, Jan Hubert A trata diferente topico den...

Dokter di Cuido Salud Hubenil, Jan Hubert A trata diferente topico den curso di vacunacion Un total di 45 persona a participa

SHARE
????????????????????????????????????

ORANJESTAD, Aruba: Directie Volksgezondheid (DVG) tabatin un curso di vacunacion, asina celebrando e Siman di Vacunacion (Vaccination Week in the Americas) cu PAHO ta organisa tur aña. DVG ta di opinion cu a bira tempo cu tur hende cu ta traha den programa di vacunacion sigui un curso cu ta trata diferente topico den e area aki. DVG, Seccion Cuido Salud Hubenil (JGZ) hunto cu Wit Gele Kruis a organisa e curso aki invitando experto di Hulanda cu ta traha den programa di vacunacion.

Dokter Jan Hubert di Seccion Cuido Salud Hubenil na DVG a indica cu tur esnan cu ta traha den Seccion Cuido Salud Hubenil a participa, pero tambe tabatin participacion di Seccion di Health Promotion y Seccion Malesanan Contagioso. Durante e curso nan a papia hopi riba e parti di informacion y comunicacion cu mayornan tocante vacunacion, cu tabata un topico hopi importante. Tambe a participa di DVG personal di Seccion di Maneho y tur enfermero cu ta traha den Oficina di Consulta na Wit Gele Kruis.

Wit Gele Kruis tin 6 oficina di consulta, unda e enfermero- y asistentenan ta traha hunto cu e dokternan di DVG. “E grupo tabata basta grandi y ademas tabatin 2 enfermero di Marina di Aruba, kendenan tambe ta vacuna nan poblacion”, dokter Hubert a comenta. Tabatin un participacion di 45 persona den e curso di vacunacion incluyendo algun di nos hermana isla St.Maarten.

E conseheronan medico di RIVM, dokternan Rolf Appels y Gerre Vermeulen, ta traha den e programa di vacunacion na Hulanda. DVG a invita e dokternan pa nan duna e curso aki na Aruba pa enfermeronan, dokternan y trahadonan di oficina di consulta relaciona cu e programa di vacunacion. “DVG a pidi nos pa duna e curso, pasobra mundialmente ta birando mas dificil pa vacuna muchanan pa motibo di diferente factor manera cada bes ta biniendo mas enfermedad, e media social ta hunga un rol unda cu ta duna storia negativo,” dokter Appels a remarca. Ta importante pa duna informacion corecto y tin bon comunicacion cu mayornan pa loke ta vacunacion.

Esaki a keda duna e participantenan durante e curso di vacunacion y e dokternan Appels y Vermeulen kier a sostene Cuido Salud Hubenil dunando e curso aki. Na Hulanda e ultimo añanan tin problema pa loke ta e grado di vacunacion. Appels y Vermeulen ta duna hopi curso, cu ta haya bon acogido, pero tambe ta topa cu hopi persona poco motiva. “Tambe RIVM ta un organisacion cu ta bon hinca den otro y ta haci un bon trabou. Nos ta trece acerca e parti di cualidad y cuido pa asina drecha esaki mas miho”, asina dokter Appels a splica.