Home Uncategorized Candela den warehouse di Crown na Balashi, mes ora a cera area...

Candela den warehouse di Crown na Balashi, mes ora a cera area pa investigacion

SHARE

Balashi – Diahuebs mainta den careda di 11:30 alarma ta wordo bati cu tin candela den e warehouse di Crown, e biaha aki esun situa na Balashi.

Empleadonan mes ora a sali di e luga pa nan seguridad.
Polis cu a yega na e sitio a cera e area, pa departamentonan concerni yega y haci nan investigacion.

Unidadnan di brandweer a yega e sitio tambe y mes ora a bay controla di un e candela a cuminsa, pero cu no a expande full. Parti pafo por a wak huma ta sali.

Cu e incidente di awe esaki ta bira di tres biaha den un tempo cortico, cu Crown ta haye cu casonan di candela.

Departamento tecnico di polis tambe a presenta na e warehouse, pa asina por compila mas datos posibel di e incidente aki.