Home Uncategorized Ultimo Recordatorio pa registracion pa proyecto Dreamers

Ultimo Recordatorio pa registracion pa proyecto Dreamers

SHARE

ORANJESTAD, 26 juni 2017 – DIMAS kier haci un ultimo recordatorio pa registracion pa Proyecto Dreamers.

Con por registra ainda?

Si en caso bo ta cumpli cu e cuadro cu a defini pa e proyecto bo por promer registra pa un cita. 

E proyecto Dreamers ta dirigi su mes riba esnan cu ta rekeri di un permiso di estadia pa ta na Aruba y cu por comproba cu nan tin 

  • mas di 10 aña na Aruba estableci y 
  • di cual minimo 5 aña siendo menor,  pues cu ta aki sea for di nacemento of a yega Aruba cu 13 aña of menos;
  • Y si ainda e ta un menor: ta na encargo di un persona cu tin su tutela y su mesun titulo di estadia na ordo;
  • Y si mientrastanto a bira mayor di edad, no tin un record criminal
  • E rekisitonan aki ta cumulativo y e persona por probecha e Proyecto Dreamers pa haci un peticion pa haya un permiso pa tempo indefini of firma liber.

Bo por sea pasa busca un formulario na DIMAS of bo ta baha esaki for di website di DIMAS (www.dimasaruba.aw) y bo ta sea email na (officialdimasaruba@gmail.com) of bo por pasa entrega esaki na DIMAS.

DIMAS su personal lo acomoda e persona cu un cita pa entrega di e peticion.

DIMAS tin dos loket special di servicio (help desk) habri di 7:30 pa11or di dialuna pa diabierna te cu 30 di juni 2017 pa duna asistencia y sosten gratuito na esnan di e proyecto Dreamers

Persona di contacto pa prensa:

Lilian. S. Lampe

DIMAS

Tel: 5221521 Fax: 5221505

Email: dimas@aruba.gov.aw