Home Uncategorized Hipólito “Eddy” Ras Forsa Nobo E reto primordial cu Aruba tin,...

Hipólito “Eddy” Ras Forsa Nobo E reto primordial cu Aruba tin, pa logra otro retonan positivo, ta e parti financiero economico.

SHARE

Pa medio di un comunicado CBA ta señala cu e debe di gobierno na fin di September 2016 a crece te na Afl. 4.172,1 miyon, of 87,3 porciento di e GDP (entrada di gobierno) di Aruba. Actualmente CFT a trese dilanti cu pa falta di cumplimento den e prome kwartaal di e presupuesto di 2017, e situacion financiero ta preocupante.

 

Te ainda nos ta depende riba un pilar economico y pa bay traha riba retonan positivo pa Aruba, dependiendo riba esaki so, ta bay ta dificil.

 

Den comunicadonan anterior mi a trese dilanti cu a base di estudionan hasi, cu na regio di Noord tin demanda pa un MAVO / HAVO / VWO. Na regio di Paradera y Savaneta tin mester di un scol basico mas aserca. Tambe mi a trese dilanti cu e enseñansa tradicional no ta atractivo pa e generacion actual cu ta sigui enseñansa actualmente. Pa hasi enseñansa atractivo mester introduci “competentiegericht onderwijs” unda e alumno ta bira mas activo door di bay busca informacion y digitalisa enseñansa.

 

A base di e situacion financiero menciona, mester percura cu e inversionnan tuma lugar pareu cu e mehoracion di e situacion financiero. Un di e factornan cu mester labora riba dje pa mehora e situacion financiero, ta pa expande e economia di Aruba. Pa expande e economia, POR lo introduci pilarnan economico nobo.

Dos pilarnan economico cu POR a bin ta traha riba nan ta:

  1. Fourth Industrial Revolution.
  2. Expande turismo pa medio di fast ferry entre e islanan Aruba, Boneiro y Corsou.

 

Door di estabelece mas pilarnan economico, bo ta crea empleo cu miho salario y mas variacion den profesion. Door di tin miho salarionan riba Aruba, e habitantenan tin mas manera pa hasi nan compras y cumpli cu na debernan. Cu miho salario, directamente empleadonan lo contribui mas na e premienan di beneficionan social (AZV y AOV) y loonbelasting. Pa medio di drecha e forsa di compras, directamente comerciantenan ta contribui mas den caha di gobierno pa medio di impuesto cu nan mester cumpli cu nan. Door di expande e economia pa medio di mas pilarnan economico, e entrada di pais Aruba lo mehora y immediatamente finansas publico lo tin mas forsa. Drecha economia lo tin un influencia positivo riba e calidad di bida en general, tanto economico y socialmente.

 

Banda di expande economia, e finansas publico mester wordo maneha na un manera responsabel y cu madurez.