Home Uncategorized MEP: MEP den Movecion yegando mas cerca di pueblo

MEP: MEP den Movecion yegando mas cerca di pueblo

SHARE

Desde inicio di nos campaña electoral, Partido MEP ta moviendo den tur bario di Aruba y ta creciendo cada dia mas. Pueblo kier cambio y ta ricibi nos candidatonan cu brasa habri expresando cu nan ta hopi desapunta den e gobierno aki.

 

Durante e siman cu a pasa, nos tabatin diferente actividadnan den barionan di Aruba of djis canto di caminda pa plak stickers riba autonan cu ta para pa nos.

Candidatonan di Partido MEP cu ayudo di nan ekipo di campaña, a move rond di Aruba bishitanto casnan pa asina nos por brinda nos plan di speransa pa cambia e rumbo di nos pais y alabes pidi sosten di voto pa eleccion di 22 di September.

Remarcabel ta cu habitantenan ta pidi pa candidatonan hisa bandera di MEP na nan cas pa asina no solamente mustra nan color politico pero mas bien pa duna di conoce cu nan kier ta parti di e cambio.

 

Nos pais merece un cambio. Pa Partido MEP, nos prioridad ta e pueblo y unabes nos ta den gobierno despues di September 22, nos lo cuminsa traha riba nos plan di solucionnan cu nos ta treciendo den e pueblo. Hunto nos ta logra e cambio.