Home Uncategorized Durante un problema di famia, secreto scur di un mucha muhe a...

Durante un problema di famia, secreto scur di un mucha muhe a sali na claridad

SHARE

26/6/2017 Oranjestad – Mas caso di abuso di mucha ta sali na claridad.

Informacion cu  Arubanative.com  a ricibi a indica cu casonan di abuso sexual, cual ta inclui incest den famia, ta pasa y ta mustra di lo keda sosode. Durante un problema di famia, caminda cu un yiu muhe hunto cu su mama a bringa cu e tata, tawata tin su motibo.

Tawata den oranan di anochi, cu autoridad a bay na un adres pariba di brug, pa un problema serio di famia. Habitantenan lo a avisa polis tambe di e problema  serio andando.

Na yegada un hoben di 16 aña lo a of kier a agredi su tata cu un palo, caminda cu su mama a apoye den esaki. Segun e tata, su yiu lo a falte respet.

E caso a dal un buelta, caminda un secreto scur a sali na cla. E hoben, un dama di 16 aña, pa un of otro motibo a bin divulga e abuso cu su tata tawata haci cune. Cual ta cu di tempo cu e tawata tin 6 aña, e tata tawata “mishi” cune, pues abusa di dje.

Momento cu e a cumpli 15 aña e a conta su mama tur cos. Pues pa casi 10 aña e abuso aki tawata un secreto, mester enfatisa cu hopi bes e no ta facil pa un victima papia di su abuso. Por ehempel pa motibo di berguensa o menasa, esaki por bira dificil.

“Mi a pidi mi yiu pordon y pa laga tur cos den pasado”, e tata a bisa.

E mama no a haci denuncia.
E tempo ey e mama no a haci denuncia, paso e tata ta esun cu ta trece placa y cuminda den cas. Pues a yega na pordona e homber, cual ta tata biologico di e mucha, pa su abusonan. E tata a pidi e yiu pordon tambe y cu nunca mas e cos ey lo pasa anto pa laga tur cos den pasado.

Locual a pasa e dia anochi aki ta pa e mesun motibo cu famia no a busca ayudo profesional pa tipo di casonan asina. Ta mas cu claro cu sin husticia pa e abuso y sin ayudo profesional pa e victima cu a sufri di e abuso sexual, hamas lo por existi un ambiente familiar sano.

Abuso sexual y e trauma cu ta surgi di esaki no por wordo lubida of pordona. E victima di e abuso aki ta merece ayudo y guia profesional pa locual e a experiencia durante casi 10 aña di su bida.

Durante e problema di famia e anochi ey, e tata a bin admiti locual e a haci cu su yui muher desde su 6 aña, pero cu e a pidi e mucha pordon caba.

Mirando cu e caso aki a sali na claridad y e tata mes a admiti, denuncia lo a wordo haci. E incidente aki ta den man di autoridadnan concerni cu ta trata tipo di casonan manera esaki.

Incest

Kico e ta ? E ta ora un tata of mama tin cualkier tipo di actonan di abuso sexual cu nan mes un sanger o sea yiu, e ta conta tambe pa rumannan. Den e caso aki nos ta papia di un acto horibel di abuso sexual y incest.