Home Uncategorized Tecniconan a soluciona e fayo mesora Yuwana a causa interupcion di...

Tecniconan a soluciona e fayo mesora Yuwana a causa interupcion di coriente

SHARE

ORANJESTAD, Aruba: Diahuebs pa mas o menos 5:15pm a cuminsa drenta yamada na Storingsdienst di N.V. Elmar cu algun bario den Oranjestad a perde suministro di coriente. Tecniconan a activa mesora y a topa cu un fayo na nan Trafohuis situa den Huygenstraat, cerca di Colegio Arubano.

Un yuwana a drenta den e instalacion di coriente, causa cu e fuse a bula cu consecuencia cu algun cas a perde suministro. Areanan afecta a inclui pari di Madiki, Dakota, Socotoro y parti di Sero Patrishi.

E interupcion no a dura largo, pasobra a logra desvia e coriente riba e red cu por a reanuda suministro mientras cu tecniconan a soluciona e fayo.

E Trafohuisnan ta traha di tal forma pa evita cu bestia por drenta, pero asina mes e yuwana aki a logra penetra den e casita.

N.V. Elmar ta pidi disculpa pa e inconveniencia aki.