Home Uncategorized Esaki ta di 3 boto local cu ta pega candela den e...

Esaki ta di 3 boto local cu ta pega candela den e ultimo simannan Mester controla negoshi creciente di busca combustibel barata di Venezuela pa bende na Aruba

SHARE

Boto “El Patron” a kima por completo na 3 miya for di Barcadera

 

ORANJESTAD, Aruba : Awe diasabra pa 3:50pm e boto local El Patron cu matricula A-2307, a sali for di waf di Barcadera pa bay Venezuela pa fuel. Na mas o menos 3 miya zuid di Barcadera te ainda pa un motibo desconoci, e boto a cuminsa huma y despues di un rato tabata full na candela. E 3 tripulantenan abordo a bula na awa mesora. Tabatin un boto cerca cu a yuda di biaha pa saca e hendenan for di awa. 

 

A bati alarma na autoridadnan y mesora Polis Maritimo y Guarda Costa a activa y a yega na e sitio pa brinda asistencia. Mester bisa cu danki Dios ningun di e tres personanan abordo no a resulta herida den e proceso. 

 

Algun boto rond a purba “sleep” e resto di boto toch pa trata di scapa e motornan. 

 

Ta bon pa subraya e hecho cu e negoshi di bay busca combustibel na Venezuela aki a bay “out of control”. Pa dia tin mas di 8 boto ta bay Venezuela y bin bek den 2 ora cu e boto yena di gasolin y diesel. Asina nan yega Aruba, ta saca e boto y ta bende e combustibel Aruba caya cu publico. Algun boto ta hasta bay 2 of 3 biaha pa dia! 

 

Di acuerdo cu Polisnan Maritimo, esaki ta di 3 biaha caba cu boto ta pega candela cu nos hendenan local cu ta practica e negoshi aki.

 

Cuerpo Policial ta pidi pa henter e asunto aki haya mas atencion di e demas departamentonan concerni, pa cuminsa controla y regula e sistema aki, prome cu ta laat!

 

Danki Dios te ainda no tabatin ningun caso fatal. Pero si no regula e asunto aki, no sa con lo para den futuro!