Home Uncategorized Boto ta pega candela zuid di Barcadera, abordo tawata tin tres persona

Boto ta pega candela zuid di Barcadera, abordo tawata tin tres persona

SHARE

24/6/2017 Baracadera – Diasabra atardi den careda di 4:45 polis ta haya notificacion di un boto na candela, zuid di Barcadera.

Mes ora a avisa Maritiem Politie cu a coordina tambe cu Kustwacht.
Na nan yegada ya tawata tin varios boto cu a sali yuda.
Den e boto tawata tin tres persona, cu a bula aparentemente lo a bula na awa momento cu e candela a cuminsa.

Na yegada di polis maritimo nan tawata den un otro boto cu a bin yuda.
Polis a keda di bay cu nan waf di Barcadera y a pidi pa ambulance.
Na Barcadera a presenta varios ambulance cu a keda warda, pero segun nos a compronde nan lo a ser pidi pa regresa nan base, mirando cu esnan ariba e boto lo no tawata herida.

Kiko a causa e candela ariba e boto no ta mucho cla .