Home Uncategorized Dos team di AVP a pasa den un parti di Pos Chikito

Dos team di AVP a pasa den un parti di Pos Chikito

SHARE

ORANJESTAD – Pos Chikito ta un bario grandi y cu simper a apoya e partido AVP. Den e bario tin dos candidato, kendenan ta Desiree de Sousa Croes y Clarisca Velasquez, pero e lider di partido mes tambe ta hopi stima den e bario, mescos cu den e otronan tambe.

Diaranson atardi Desiree hunto cu Clarisca y nan team a cuminsa lanta bandera den e prome parti di e area di rotonde di Pos Chikito bay abou, lider di partido a bishita e area di Pos Chikito di Isla di Oro bin abou.

A bishita diferente cas, combersa cu habitantenan y a haci entrega di un corant di e partido cu a keda recientemente publica y cual ta ilustra un parti chikito di e trabou cu e partido berde a bin ta haciendo den Gobernacion. Lider di AVP a splica e ciudadanonan cu e trabou mester sigui y cu no por permiti cu tur e progreso cu e pais a conoce ultimo añanan ta wordo para.

Clarisca Velasquez a splica cu aunke cu nan a confronta cu un trafico pega y cu hopi hende no a yega cas ainda, nan ta satisfecho di e bishita, pero cu esaki no ta e ultimo bishita. “Pos Chikito ta un bario hopi berde y ainda falta basta cas pa bishita y lanta bandera. Nos lo sigui bishita e casnan di e bario,” el a bisa. Y a agrega cu tambe ta entrega e corant cu ta wordo entrega ta ilustra e proyectonan ehecuta door di Gobierno. Aki, el a bisa, e pueblo por mira unda nan placa ta bay. Esey ta importante. A probecha pa pega stickter y bende rifa di auto, cu lo hunga den e prome siman di juli.

Un di e simpatisantenan cu semper ta cana cu e grupo di Team Mike Eman ta Juan Macintosh, kende cu orguyo ta bisti e flanel berde. “Esaki ta e di 4 campaña cu mi ya apoya AVP. Pa hopi aña mi a mira hopi destruccion politico y awe, despues di 2009 pa 2013, nos a mira hopi cambio,” Mackintosh a bisa. E ta sinti un orguyo grandi ora cu e mira e lider di partido hasta ta aserca contrincantenan den forma trankil pa splica e trabou di su Gobierno ta haciendo.

Awendia, el a bisa, por mira un diferencia hopi grandi den loke cu e Gobierno di AVP a haci pa Aruba y su ciudadanonan.