Home Uncategorized Construccion di verkeersplateau na altura di Kas Paloma

Construccion di verkeersplateau na altura di Kas Paloma

SHARE

Oranjestad – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Kas Paloma cu dia 22 y 23 juni 2017 lo bay construi dos verkeersplateau.

 

Dia 22 juni lo construi un verkeersplateau na Kinikinistraat nr. 2 y dia 23 juni lo bay contrui un na Kolibristraat nr. 10.

 

Rutanan alternativo lo ta indica cu baricadanan y borchinan di aviso y e orario di trabou ta di 6’or di anochi y ta programa pa caba 3’or di marduga.

 

En conexion cu e trabou menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.