Home Uncategorized Award night di Smac, asina clausurando e temporada oficial di Carnaval 63

Award night di Smac, asina clausurando e temporada oficial di Carnaval 63

SHARE

Presidente di SMAC SRA. Shannon Henriquez y Directiva completo ta anuncia e clausura oficial di Temporada di Carnaval 63. Esaki lo hacie hunto cu gruponan di Carnaval y Carnavalistanan ganador di Carnaval 63. Alaves SMAC ta invita e publico carnavalesco pa tambe comparti e tremendo anochi celebratorio hunto cu nos.
AWARD NIGHT, lo tuma lugar Diasabra 24 di Juni, cuminsando for di 7’or di anochi y lo sigui te cu 12’or di anochi. E evento lo tuma lugar na Aruba Entertainment Center y entrada lo ta completamente gratis.

E anochi lo conta cu animacion di nada menos cu bandanan Tsunami, Le Groove y tambe Ataniro y Live Band.
Si abo tin gana di rebiba pa un anochi e dushi temporada di Carnaval 63, sea bon bini Diasabra awo.
SMAC kier a tuma e oportunidad pa gradici y elogia e publico carnavalesco en general pa nan apoyo di e ultimo temporada. Boso sigur a aporta na haci e Carnaval uno grandi, exitoso y jen di ambiente. Keda pendiente pa tende di SMAC y tur loke lo bin cune pa Carnaval 64.