Home Uncategorized Minister Arthur Dowers a lansa su hala hubenil “Dowers Squad”

Minister Arthur Dowers a lansa su hala hubenil “Dowers Squad”

SHARE
????????????????????????????????????

ORANJESTAD: Recientemente a tuma luga na Cas di Partido Dakota un anochi di encuentro cu e hala hubenil di Arthur Dowers, actual Minister di Husticia y candidato pa e siguiente eleccion na September proximo. A invita un grupo di hoben entre 16 y 26 aña di edad pa forma parti di e encuentro aki. A haya oportunidad di cera conoci cu mas hoben cu lo haci uzo di nan derecho di voto pa prome biaha.

Algun di nan lo no por vota ainda den e siguiente eleccion pero cu tambe ta involucra nen mes pa haya mas informacion di e importancia di nan rol pa cu gobernacion di nos pais.

E anochi a cuminsa cu un “hersengymnastiek” masha dibertido y bon prepara pa nan y dor di miembronan hoben di e team. Idea ta pa laga e hobennan haya e oportunidad di ta den posicion di lidera / organisa y expresa, pero tambe vocifera den nan propio forma dilanti publico y intercambia ideanan den dialogo cu demas hoben presente.

Despues a sigui un encuentro cu Minister mr. Drs. Arthur Dowers, cu tabata invita pa forma parti di un Q&A ( Pregunta y Contesta ) cu tabata siguiente riba e programa di e anochi ey.

Locual sigur a resalta ta e nivel di interes y envolvimiento di cual nos hubentud a dialoga cu ne.

“Ta yenami di orguyo di mira cu nos hobennan ta bon informa y cu hopi idea y pregunta al caso riba varios tema importante di nan isla”, asina Minister Arthur Dowers a duna di conoce. E mandatario a bisa cu e anochi a resulta den un exito rotundo y cu ta spera di mira nan pronto pa e siguiente encuentro. Despues di mas o menos 1 ora di pregunta y splicacion amplio, a invita e hobennan pa pasa saboria e famoso “grilled hamburger” di Team Dowers pa clausura e anochi.

Minister Arthur Dowers a gradici tur cu tabata presente y a manda gradici e mayornan tambe cu a laga nan yiunan forma parti di “Dowers Sqaud Event” y di laga nan ta envolvi den futuro di nan pais.

Esaki tabata e prome di hopi mas actividad programa pa e hala hubenil aki. Un Pabien grandi ta bay na cada un cu a organisa e anochi exitoso aki.