Home Uncategorized Encuesta Satisfaccion di Cliente di WEB Aruba ta mustra 77% di...

Encuesta Satisfaccion di Cliente di WEB Aruba ta mustra 77% di clientenan ta contento cu servicio y canalnan di servicio di WEB Aruba

SHARE
DCIM100MEDIADJI_0055.JPG

ORANJESTAD – Den un aña di conmemoracion semper ta bon pa refleha un rato. Den e cuadro aki na februari y maart ultimo WEB Aruba a encarga KPMG Aruba pa midi satisfaccion di clientenan di WEB. Esey director financiero di WEB Aruba, Randolph Ruiz a informa durante e conferencia di prensa di WEB Aruba den cuadro di 85 aña. Cu un participacion representativo di 1027 persona, e encuesta a mustra cu 77% di clientenan generalmente ta contento cu WEB su servicio, e canalnan y e grado di uzo di e canalnan di servicio.

 

A midi e satisfaccion di cliente den forma di un encuesta cuantitativo. A haci encuesta personal na diferente localidad publico y naturalmente aki na WEB. Tambe a manda e encuesta pa publico y clientenan comercial via email y via WEB su pagina di Facebook. Esaki a resulta den un participacion di 1027 persona, di cual 960 ta cliente residencial y 67 cliente comercial.             

 

Pa lo cual ta WEB su canalnan di servicio por bisa cu WEB su Call Center ta e medio mas uza y cu mas tanto pregunta tocante e cuenta di awa. Clientenan y publico ta uza e pagina di Facebook mas tanto pa informa tocante un of otro servicio. Pa controla cuentanan habri, 76% ta uza e servicio online ‘WEB Care’. E participantenan na e encuesta ta contento cu e tempo di reaccion riba nan peticionnan via Call Center y via Facebook. Tambe 83% di e participantenan na e encuesta ta experencia nos website ‘webaruba.com’ como ‘client friendly’.  

 

Mas o menos 70% di esnan entrevista, a indica di no a experencia un interupcion di suministro di awa. A resulta cu 35% tin biaha tin molester di presion abou di awa y 14% tin biaha ta experencia presion halto di awa. 67% di esnan entrevista ta di opinion cu WEB ta informa nan suficientemente y na tempo di posibel interupcionnan.

 

Pa lo cual ta e cuenta di awa mas o menos 70% ta contento cu e ultimo fecha di pago stipula, cu e manera di ricibi e cuenta y cu e informacion riba e cuenta. Menos cu mitar di e entrevistadonan ta contento cu e tempo cu ta costa pa soluciona problemanan relaciona cu e cuenta of e pagonan. Tambe mas cu mitar di esnan entrevista ta desea di ricibi su cuenta via email. A resulta cu mayoria entrevistado (58%) ta paga e cuenta via ‘online banking’, sigui pa 44% cu ta paga e cuenta di awa na oficina di ELMAR.

 

‘E encuesta aki ta hopi balioso pa WEB y ta motiva nos pa optimalisa nos producto y servicio.’, segun Randolph Ruiz. El a termina bisando ‘Un danki ta bay na nos clientenan cu a participa na e encuesta di ‘Bos di cliente’. Dentro di poco lo haci e sorteo di e rifa bou di clientenan cu a participa na e encuesta. Keda pendiente y masha danki!’