Home Uncategorized Dama turista bastante bou influencia ta bisa cu elo a wordo maltrata...

Dama turista bastante bou influencia ta bisa cu elo a wordo maltrata pa un security guard

SHARE
Palm Beach: Diamars marduga algo prome cu 4’or y mey, patruya di Noord ta bay na Riu Antilla pa un turista cu lo a bira victima di un asalto.
 
Central di polis un rato prome a papia cu un dama y a trata di haya mas informacion for di e dama, pero e persona tabata papia ingles y hopi tabata zona basta bruha.
Central di polis a dicidi di manda un patruya na Riu Antillas pa e situacion cu tabata mustra uno un poco sospechoso.
 
Na yegada enberdad e polisnan ta papia cu un dama turista, kende ta declara cu elo a wordo asalta pa un security guard di Riu y cu lo a pushe riba vloer. Segun e dama cu e paña cu e persona cu a asalte tabata tin bisti tabata parce uniform di un security guard. Segun e dama no lo a bay cu nada y despues di e incidente, ela cana bay na e frontdesk di Riu Antillas. 
 
Polis na e sitio a nota cu e dama tabata papia cu lenga basta pisa y tabata bou influencia di alclohol of bou influencia di cualke otro substancia prohibi.
 
Na momento cu e polisnan a cana bay na e patruya, nan a topa cu dos security guard y un a declara cu ela mira e dama den area di e pool y ela acerk’e y a bise cu na e momentonan aki no tin niun bar habri y e dama a bis’e cu e mester bay na e frontdesk. Un rato despues e dama a bay na e frontdesk y bay entrega un keho cu un security guard lo a maltrat’e
 
E polisnan na e sitio a mustra e dama pa bay papia cu e management di hotel pa asina controla si di berdad ela wordo maltrata.