Home Uncategorized Hipólito “Eddy” Ras Pa medio di introduci “pronostico laboral” por consientisa...

Hipólito “Eddy” Ras Pa medio di introduci “pronostico laboral” por consientisa hobennan momento di escohe un estudio

SHARE

Un situacion cu, varios bez, ta sosede ta cu hobennan no sa ki estudio nan tin cu scohe. Nan ta scohe un studio cu nan ta kere cu ta bay tin empleo pa nan den futuro. Door cu nan no tin informacion di puestonan cu ta bay tin mester den futuro (vacatura). Nan a studia un ramo y despues nan no ta haya trabou den e ramo cu nan a  studia. E consequensia ta ora nan bay traha y nan no haya un empleo den e ramo cu nan a studia p’ e, e salario cu nan ta bay gana ta menos. Pasobra e ora ey nan ta bay siña e trabou cu nan ta bay eherce.

 

Pa medio di introduci pronostico laboral, como gobierno, bo por guia y concientisa hobennan conhuntamente cu nan mayornan riba escohencia di un estudio. Un pronostico laboral ta un planning pa duna e hobennan un bista di cua profesion ta bay tin mester den futuro. Door di consientisa e hobennan, nan por escohe un studio cu ta pas mas cu nan personalidad. E pronostico laboral no ta kita un hoben pa bay studia e profesion cu su persona lo desea di bay studia.

 

Pa por structura un pronostico laboral pa duna e hobennan informacionnan optimal, lo mester tin colaboracion entre departmaneto di labor y departamento di enseñansa. Door di trese sector laboral mas serca di enseñansa, hobennan ta haya bista tocante ki exigencia e funcion ta exigi (estudio, nivel di scol, comportacion professional, etc).

 

Aserca den e pronostico laboral banda di cual profesion ta bay tin, duna informacion tambe si tin otro persona(nan) ta hasi e estudio caba y cuanto persona tin ta hasi e esaki. Door di e pronostico laboral bo ta instrui cu bo mesun hobennan local ta bay tuma e puestonan cu den futuro ta bay tin y ta preveni pa “importa trahado”. Unda cu den futuro hobennan por studia y eherse locual nan a bin ta studia.

 

Pa medio di diversifica bo pilarnan economico bo ta brinda mas oportunidad y e posibilidad pa un hoben tuma un educacion den locual cu ta pas na su persona. Actualmente nos tin un pilar economico cu ta turismo, y turismo no ta brinda trabou pa tur hende riba e ramo cu nan tin interes pa eherce den futuro. Pilarnan economico cu POR lo introduci ta entre otro:

  1. Expancion di turismo cu fast-ferry entre e islanan Aruba, Boneiro y Corsou.
  2. Fourth Industrial Revolution.

E situacion di introduci mas pilarnan economico, ta brinda e oportunidad pa haci uzo optimal di e profielnan cu enseñansa ta ofrece. Kiermen bo lo no ta depende solamente riba e parti di horeca pero tambe riba e parti tecnico y ciencia. Di e manera aki bo ta crea un forsa laboral balansa. Esaki ta bin door cu cada pilar economico riba su mes, lo tin demanda riba diferente profesion cu ta eherce na e servicio cu companianan ta ofrece. Di e manera aki como gobierno bo ta logra trese bo profesiolnan back despues di nan estudio y cu oportunidad cu nan ta bay tin un empleo. Mas habitante cu miho nivel di enseñansa lo tin efecto positivo riba e calidad di bida, economia y social.