Home Uncategorized Atraco #53 – Atracadornan arma y bisti na preto ta atraca Danki...

Atraco #53 – Atracadornan arma y bisti na preto ta atraca Danki Supercenter na Tanki Leendert

SHARE

Tanki Leendert – Dialuna anochi ariba caya tawata hopi keto, mayoria hende ya tawata den nan cas, sea ta wak tv of ya preparando pa bay traha diamars, cu ta un otro dia di trabou.

Den careda di 10:45 atraco #53 ta bira un realidad, momento cu dos individuo bisti completamente na preto y cu cara tapa ta drenta Danki Supercenter na Tanki Leendert.

E atracadornan aki sea nan cara tawata cara tapa, pa asina e cameranan di seguridad no por capta nan cara. Segun vocero suplente Señora Rasmijn, nan a papia papiamento, tambe ambos tawata tin arma di candela cu nan.
Segun nos a compronde na e sitio, nan ta logra bay cu mas o menos mil florin y tambe carchinan di telefoon.

Momento cu nan a bandona e sitio y cu miedo cu e atracadornan pensa di bolbe, e propetarionan a baha e rolluik y a warda polis yega. Na prome instante polisnan no tawata sigur ta cua negoshi, pa motibo cu tin dos banda di otro.

Atraco team y slachtofferhulp a wordo avisa pa presenta na e sitio. Si bo por a wak of sa algo yama Tiplijn di polis 11141.

Atraconan ta continua y ta un realidad cu pueblo mester biba cune, sea alerto !