Home Uncategorized MINISTER BERMUDEZ TA YUDA ESHA CELEBRA LANSAMENTO DI SU DI DOS CD...

MINISTER BERMUDEZ TA YUDA ESHA CELEBRA LANSAMENTO DI SU DI DOS CD –DANGEROUS

SHARE

Aruba su propio cantante/compositor, Esha Alwani, a celebra lansamento di su di dos CD, Dangerous, dia 6 di juni na Alhambra Ballroom hunto cu un multitud di hende. Esha, naci na Aruba, a cuminsa skirbi su propio canticanan na edad hoben di seis aña y ta haciendo furor den mundo musical despues di e exito di su prome CD, Beautiful, y cu su music video, Yesterday. Awor, djis un par di dia despues di a lansa su di dos CD ya e ta haya su canticanan nobo ta wordo hunga hopi na radio.

Esha su di dos CD, Dangerous, a wordo lansa oficialmente dia 7 di juni 2017.

Entre e personanan mas notabel cu tabata presente durante e anochi tabata Minister di Finanzas y Organisacion Gubernamental, sr. Angel R. Bermudez. Minister Bermudez, cu ta un sostenedo grandi di musica y arte, a wordo introduci na esnan presente door di farandulero local y personalidad di radio, sr. Ruben ‘Scorpio’ Garcia.

Sr. Ruben ‘Scorpio’ Garcia a fungi como emcee pa Esha.

Ruben Garcia, un gran amigo di famia Alwani, no ta un stranhero den mundo di musica y arte, ya cu e ta trahando pa mas cu 40 aña caba como DJ, promotor di musica, y productor di radio. “E evento aki a surpasa tur mi anticipacionnan”, asina Garcia a expresa, “E audiencia tabata excelente, y mi ta masha orguyoso cu Esha ta haya tanto sosten. Nos ta hopi fortuna cu nos tin un hoben maraviyoso cu tanto talento. E ta haci Aruba orguyoso.”

Minister Bermudez a duna un speech cortico na inicio di e evento na unda e la splica na esnan presente e importancia di duna sosten na e generacion hoben na nos isla. Poniendo enfasis riba e importancia pa reconoce talentonan naci na Aruba manera Esha, Minister Bermudez a sigui splica cu musica y arte lo sigui crea oportunidad pa Aruba, tanto local y internacional.

Minister Bermudez a uni cu Esha pa desvela su CD nobo – Dangerous.

Despues di e evento Minister Bermudez a bisa, “Un di nos miho caracteristicanan como Arubiano ta cu nos ta duna nos hobennan e mas miho sosten posibel. Ya cu nan ta yuda trece bon boluntad pa nos isla. Mi ta sigur cu Esha lo ta exitoso y cu e lo haci nos orguyoso.”

Despues cu e la duna Minister Bermudez un muestra di aprecio pa su sosten, Esha a sigui bisa, “Mi ta hopi contento pa cu e resultado di e CD nobo. Mi ta spera cu cada palabra di cada cancion lo toca esun cu ta scuche y ta lague sinti algo.”

Esha lo canta en bibo riba scenario grandi di Aruba Summer Music Festival na luna di juli (locoloboaruba.com) y tambe durante e Caribbean Sea Jazz Festival na luna di september (caribbeanseajazz.com).

 

Bo por sigui Esha tambe na:

  • Video – vimeo.com/190374
  • Facebook – facebook.com/eshamusic
  • Website – eshaofficial.com