Home Uncategorized Atraco # 51 : Atracadornan arma ta bay cu 10mil florin for...

Atraco # 51 : Atracadornan arma ta bay cu 10mil florin for di un adres pazuid di Postkantoor na PLaya

SHARE

Socotorolaan – Diabierna algo prome cu 12’or di merdia, atraco number 51 pa e aña 2017 ta sosode den Playa.
Tawata algo prome cu 12’or cu unidadnan den Playa ta wordo manda cu urgencia, pazuid di Postkantoor pa un atraco.

Atraco team y polis na sitio di e atraco

Segun vocero suplente di cuerpo policial señora Rasmijn : “Ta asina cu na jegada di polis e mucha muhe ta splica cu e dos hende homber a drenta e negoshi sin tin cara tapa y tur dos cu arma di candela den man”.

Nan a logra bay cu dos telefoon y un suma di mas o menos 10mil florin.
Mester bisa pa un area cu asina hopi hende e ora ey, niun hende a wak nada.

Segun Señora Rasmijn, nan a papia papiamento y spaño.

Polisnan a core rond den e area, pero manera nos a bisa caba niun hende a wak algo cu no tawata normal.
Atraco team y tambe slachtofferhulp a ser pidi na e adres.