Home Uncategorized McDonald’s y COA un biaha mas ta cla pa pone tur hende...

McDonald’s y COA un biaha mas ta cla pa pone tur hende cana y core Ban move cu Olympic Kids Run y Olympic 5k Fun Run/Walk

SHARE

ORANJESTAD, Aruba: E aña aki un biaha mas lo tuma luga e Olympic Celebration Day y e biaha aki e lo ta parti den 2 evento. Lo bay tin e Olympic Kids Run y Olympic 5k Fun Run/Walk. Un biaha mas McDonald’s y Comite Olimpico Arubano (COA) ta cla pa cana y core den e Olympic Celebration Day 2017.

 

Diasabra 17 di Juni lo tuma luga Olympic Kids Run, unda cu tur mucha di tur scol por participa. E lo tuma luga na Marine Verlof Centrum na Eagle Beach cuminsando pa 8:00AM. Inscripcion pa tur mucha ta bay via scol basico unda e mucha ta bay pero tambe por haci esaki na IBiSA. Por inscribi pe evento di scol te cu diahuebs 15 di Juni.

 

Diaranson 21 di Juni proximo lo tuma luga e Olympic 5k Fun Run/Walk y e ta pa publico general, muchanan tambe por participa na esaki hunto cu nan mayornan. E lo tuma luga riba Linear Park y por busca T-shirt cuminsando pa 5:00PM mientras cu e evento ta ranca sali 6:00PM. Esunnan cu kier participa den e Olympic Day 5k Fun Run/Walk por inscribi na IBiSA of na ‘Start’ riba e mesun dia aki.

 

Desde aña 2012 Arcos Dorado ta un patrocinado di e Olympic Day y ta haci esaki hunto COA, unda ta promove cu movecion ta hopi importante den bida diario di tur hende. Nan ta aporta dor di cubri e T-shirt oficial di e evento, pone disponibel logo’s, banners y otro material promocional. McDonald’s, COA IBiSA y scolnan ta invita tur mucha pa participa den e Olympic Kids Run, pero tambe ta invita Aruba general pa participa den e Olympic Day 5k Fun Run/Walk.

 

Pa mas informacion, bishita www.arcosdorados.com. Pa siña mas di e productonan di McDonald’s y nan ingredientenan di calidad, bishita cualkier restaurant di McDonald’s y puntra e manager riba e maneho di porta habri pa un tour den nan cushina. Pa mas informacion riba productonan nobo, campañanan y actividadnan di restaurant, clientenan por ‘Like’ e pagina di Facebook di McDonald’s Curaçao & Aruba of sigui McDonald’s riba Twitter @McDonald’s_CA of bishita nos pagina web www.mcdonaldsdwi.com.

 

Arcos Dorados ta e franchise mas grandi mundialmente di McDonald’s den termino di benta y cantidad di restaurant, operando e cadena di restaurantnan mas grandi di servicio lihe (QRS) den Latino America y Caribe. E tin derecho exclusivo di su mes opera y otorga restaurantnan di McDonald’s den 20 pais Latino Americano y Caribe y teritorio, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela.

 

E compania ta opera of ta un franchise di mas di 2.100 restaurant cu e nomber di McDonald’s cu mas di 90.000 empleado y ta reconoci como un di e miho compania pa traha den Latino America. Arcos Dorados ta comercialisa riba e New York Stock Exchange (NYSE: ARCO). Pa sa mas di e compania, por fabor bishita seccion Investors di nos website: www.arcosdorados.com/ir.