ORANJESTAD – Dialuna Prome Minister Eman a haya un bishita di cortesia di Ronald C. van der Giessen, un graduado di Universidad di Agricultura di Wageningen. Van der Giessen a cuminsa cu su carera profesional prome cu su graduacion, uniendo su mes na e staff di WWF-World Wide Fund for Nature of The Netherlands como asistente di e Director. Despues el a traha den e Think Tank di International Institute for Environment and Development como un Investigador asocia, enfocando riba temanan di creacion di politica pa paisnan manera Zaire, Camerun y Indonesia y tabata consehero pa World Trade Organization.
Van Griessen a sigui profesionalisa su mes den e organisacion WWF, despues a bay pa Natuurmonumenten, Nationale Postcode Lotterij, te cu el a yega na e posicion di Director General di Oranje Fonds, un fundacion filantropico.
Durante e bishita cerca Prome Minister Eman, a combersa riba trabounan filantropico di organisacionnan local, y con por haci cu e organisacionnan aki por realisa un miho trabou cu e apoyo necesario.
