Home Uncategorized Dangui Oduber (MEP) AVP a bin cu un ley di intergridad...

Dangui Oduber (MEP) AVP a bin cu un ley di intergridad pa acomoda corrupcion!

SHARE

Despues di 8 anja di gobernacion, net 1 luna promer cu parlamento baha cu recess y net 1 siman promer cu e interparlamentair overleg na Hulanda fraccion di AVP a presenta un ley pa trata integeridad di ministernan. E ley aki por wordo considera un farce por completo. Un ley cu mas bien a wordo entrega y na caminda wordo cambia pa acomoda diferente coleganan di e gabinete Mike Eman 2 y coleganan di partido AVP.

 

Bo no por presenta un ley pa screen ministers, pa papia di conducta di futuro ministernan, pa screen mayornan di politiconan, pa screen yuinan di politiconan anto un minister cu na e momentonan aki ta wordo investiga ta wordo acomoda.

AVP a presenta un ley di intergidad caminda ta hacie posibel pa un minister cu ta bao investigacion penal mantene su funcion por medio di un schorsing, riba vakantie, cobrando cu tur benfecio. Di otro banda tin varios jurisprudentie aki na Aruba caminda ta trata ambtenaarnan bao investigacion penal na un manera diferente. Un ambtenaar bao investigacion ta bai cas SIN PAGO y ta wordo retira sea e ta innocente of culpable.

 

Durante e debate den parlamento pa stranjo cu e por zona mi no a scucha ningun miembro di fraccion di avp papia over di e famoso corant cu pruebanan contundente di benta di tereno. Mi no a scucha ningun miembro di AVP condena e hecho cu nan colega di partido ta wordo investiga na e momentonan aki caminda ja caba tin 4 detencion a cai. Al contrario, enevez cu nan condena corrupcion nan ta defende corrupcion cu alma y cuerpo. Esaki ta typifica e mentalidad di partido AVP. Nan ta manda e senjal pa nos communidad cu bende tereno ta bon, bende permiso di labor ta bon, bende permiso di estadia ta bon, corrupcion ta bon y ta aplaudi tur esakinan. Esaki ta decadencia y degeneracion di un pais. No solamente esaki sino e hecho cu AVP ta violando constitucion cu e status cu nan a regla pa nan colega minister Paul Croes. Nos constitucion NO conoce status di minister NON ACTIEF y AVP a acomoda nan colega cu e status aki. Na Corsow sinembergo na momento cu un minister ta bao investigacion e ta wordo oblige pa entrega su retiro.

 

Incialmente ora e ley a drenta parlamento tawata tin un articulo number 16 cu ta stipula cu un minister no mag eherce ningun otro funcion durante e periodo di gobernacion y no mag di tin ningun nevenactiviteit. Actualemente minster Schwengle si ta goza di e prvilegio aki cu segun criteria di AVP mes esaki NO ta posibel. Kiko a sosode, ora minister Schwengle a tuma nota di e articulo aki e la bira loco y a ordena pa haci cambionan di inmediato den  e ley.

 

Manera cu reunion a cuminsa parlamentario Sneek a presenta un nota di cambio caminda ta hacie posible pa su colega den futuro por mantene su trabou.

Durante e reunion nos fraccion a presenta un amienda cu ta un cambio den e ley pa asina pone den e ley cu na momento cu un minister ta wordo investiga penalmente e minister ta wordo manda cas, ontlsagen sin pago manera cu e ley ta na corsow actualmente.

 

Na corsow un minister bao investigacion mester entrega su retiro. Nos a spera cu un fraccion cu tawata tin boca yen di integridad lo a sostene e amienda aki cu lamentablemente no tawata e caso.

 

 

Finalmente ta logico cu nos no por sostene un ley cu a wordo traha pa acomoda corrupcion y accomoda coleganan. E ley ta un farce completo pasobra e no ta cumpli cu e proposito pa tin hende integro den gobierno paso awor aki tin un caso caminda integridad di un minister ta den wega y AVP envez di ta condena eskai ta aplaudi esaki.