Home Uncategorized Minister Arthur Dowers trahando for di prome dia riba solucion Crimen lo...

Minister Arthur Dowers trahando for di prome dia riba solucion Crimen lo sigui baha ora nos tur traha hunto pa combati esaki

SHARE

ORANJESTAD , Aruba: Un di e temanan principal di debate tras di lomba tabata Husticia. Caminda e topico criminalidad riba nos isla ta bin dilanti. Minister Arthur Dowers ta responsabel pa loke ta husticia, etc.Den e ultimo 7 añanan aki ta hopi esfuerso , estudio y modernisacion a ser implementa pa asina por ekipa entre otro Cuerpo Policial di nos Pais. Hopi hende ta papia di crimen, pero ningun di nan ta papia di posibel solucion. Solucionnan ta locual cu a ser ripiti durante henter e Gobernacion, pero esnan cu no ta presenta na pia di trabou no por tin e informacion aki pa Pueblo. Hopi cambio y restructuracion, ampliacion y implementacion , personeel y ekipo , edificio y material pero mas cu tur cos comunicacion entre tur e partnernan pa asina sigura cu e esfuersonan aki ta ser haci uniforma. Gradualmente y den forma integral tur caminda cu por a pensa di por a trese solucion pa combatimento di crimen a ser implementa y hunto nos ta combatiento crimen riba nos Isla y cu man duro.

Tur cos cu a tende di parti di sra. Evelyn Wever-Croes, tabata cu nan ta bin cu helicopter y un radar. Tin cu bolbe menciona , cu Aruba tin Radar y cu esaki den bon cooperacion ta ser maneha dor di Kustwacht y cual ta algo ta keda purba engaña y mal informa e Pueblo cu ne. Pa locual ta helicpoter ,esey tur sa cu no ta contribui na reduccion di criminalidad. Pa locual ta e tema Ilegalidad cifranan ta mustra cu diferente na gobernacion anterior , nan a baha drasticamente. Nos tabata papia di 30 ilegal pa luna y awor di un cifra di 20 ilegal pa aña. Contradiciendo nan mes riba combatimento y solucion riba e tema aki.Ora nos pone mas esfuerso riba e hende, pone esaki central y re-educa bo comunidad riba norma y balornan, e ora ey bo por papia di solucion. A mira hopi pais cu a pone helicopter, pone mas polis,pone radar, pero no a pone e base di e curason di e ser humano, pa e ta un miho hende.