Home Uncategorized Dos homber a maltrata otro homber seriamente, door di scop e varios...

Dos homber a maltrata otro homber seriamente, door di scop e varios biaha den su cabes y cara

SHARE

Caya Captain R. Rodger – Diaranson mainta 6’or pasa un caso hopi serio di maltrato a tuma luga tegen over di American Bar, situa den Caya Captain R. Rodger.

Prome informe a papia di un posibel caso di hincamento, na yegada di patruya esey no tawata e caso. Polis cu a yega mes ora e sitio, ta wak un homber sali na careda, caminda e agentenan a bay su tras. Altura di Guadalajara bar nan a logra detene y ta resulta cu ta un persona conoci di polis di Fam B.

Informacion cu nos a logra haya ta papia cu algun persona cu a sali di e bar a haya e victima na suela y dos homber un na blauw bisti y e otro na berde (cu polis a detene) tawata scop e.

E victima probablemente a wordo gescop varios baiha den su cabes y tambe su cara, lesionando e seriamente y te hasta cu posibilidad di e fractura algo na craneo of su cara, mirando con su cara a keda.

Dos dama alegre lo a bula ariba un di e hombernan cu tawata bezig ta agredi esun na suela te ora polis yega, pero e lo a logra los y bay.

Ambulance a sali cu urgencia direccion Dr Horacio Oduber Hospitaal cu e victima. Den oranan di mainta elo a drenta camber di operacion, debi na e golpinan serio cu e lo a haya.