Home Uncategorized Compania ta keda responsabel pa mantencion Green Corridor

Compania ta keda responsabel pa mantencion Green Corridor

SHARE

ORANJESTAD – Un biaha mas Prome Minister Mike Eman, durante su bishita na e brug nobo di Spaans Lagoen, a enfatisa cu e compania constructor di Green Corridor ta keda responsabel pa e trabounan di mantencion cu mester tuma luga riba henter e trayecto aki.
E pagonan anual, e mandatario a splica, ta cuminsa na momento cu e proyecto completo keda entrega. Green Corridor ta traha den forma di lease. E constructor ta keda responsabel pa e infrastructura durante e 20 añanan di lease. “Si tin buraco of cualkier defecto, esakinan ta keda responsabilidad di esun cu a construi e caminda y demas infrastructura.”
E sistema ariba menciona, Eman a sigui splica, ta otro cu e modelonan tradicional di destaho unda cu unabes e keda entrega, no por laga coregi ningun situacion di defecto door di e compania responsabel. Di e forma actual si, pasobra por bisa cu si no drecha tal situacion ta deduci esaki di e pago anual. Esaki ta pone Gobierno den un situacion faborabel pa garantisa calidad di e proyecto durante varios decada.