Home Uncategorized Polis ta detene un homber bou influencia di un of otro substancia...

Polis ta detene un homber bou influencia di un of otro substancia cu no por a comporta su mes riba caya

SHARE

Palm Beach: Diamars pa mas o menos 12’or y 45 di marduga, patruya di Noord ta wordo manda na Palm Beach na altura di RBC Noord, pa un cabayero cu lo tabata tin un machete of cuchiu den su man y lo a pasa dal na e porta di RBC y a activa e alarma di e banco y tambe di varios auto staciona eybanda.

Na yegada nan ta topa cu un Hyundai van staciona memey di caminda y na e sitio nan ta bin compronde tambe cu e cabayero aki lo a baha for di su auto, a cuminsa dal na su auto y despues gritando tabata cana rond.
Mesora e polisnan a cuminsa buska den vecindario y na altura di Citgo Palm Beach, nan a logra topa cune, e homber ta un conocido di polis, mesora ela keda deteni.

No ta prome biaha cu e persona aki ta haci e tipo di cosnan aki den e area aki. Na momento cu E homber aki tabata cana rond, e tabata pasa dal na varios auto y tambe na porta di negoshinan eybanda, pa asina activa e alarmanan.

Transportwagen di polis a transporta e homber pa warda di Shaba y polis na e sitio despues di a pasa controla si e homber por a comete cualke destruccion, nan a hala e van for di riba caminda y a sigui cu nan patruya.