Home Uncategorized Hipólito “Eddy” Ras Forsa Nobo Brinda personanan cu ta cobra onderstand...

Hipólito “Eddy” Ras Forsa Nobo Brinda personanan cu ta cobra onderstand un enseñansa pa desaroya nan positivismo asina guia y motiva nan pa jega na un empleo

SHARE

Un manera cu e personanan cu ta cobra onderstand por wordo motiva pa bay busca un empleo, ta momento cu nan ta consiente y ta realisa cu pa medio di un empleo nan por jega na un miho salario y na mes momento un miho calidad di bida. Pa medio di brinda e personanan cu ta cobra onderstand un enseñansa, como gobierno bo por structura un maneho cu ta motiva y duna nan guia pa jega na un empleo.

 

Pa medio di scol di ofishi por structura un programa den oranan di atardi cu pa un periodo e personan cu ta cobra onderstand ta bay scol y den un otro periodo nan ta cuminsa stage bou di guia. Door di brinda nan un enseñansa como gobierno bo ta laga nan desaroya nan positivismo. Y door di laga nan bay stage bou di guia, nan por practica locual nan a bin ta siña y motiva nan pa jega na un empleo. Asina den futuro nan tin nan mesun salario, y cu un miho entrada compara cu esun di onderstand.

 

Como gobierno ta subsidia e onderstand, mester motiva e personanan cu ta cobra onderstand y cu ta medisch goedgekeurd como condicion cu nan mester sigui un enseñansa. Pa e subsidio ta efectivo y ta fructifero, e personan cu ta cobra onderstand cu ta sigui un estudio mester wordo vigila pa nan cumpli cu e condicionnan stipula. Asina onderstand ta bira un ayudo temporario.

 

Motiva y guia personanan cu ta cobra onderstand pa jega na un empleo lo reduci gasto di gobierno. Tambe mester ta consiente cu e lo trese su retonan cu ne.

Pa es motibo locual cu lo mester bai tene cuenta cu nan ta:

 

  1. Momento cu bo ta guia personanan cu ta cobra onderstand sigui un estudio pa medio di un programa ta bai tin mas empleado. Pa es motibo mester percura cu tin mas cupo di trabou pa tin empleo. Pa habri cupo di trabou y cu espacio pa tin un miho salario, ta bai tin mester di mas pilarnan economico. Dos pilar economico cu POR tin riba programa pa bay introduci ta e “Fourth Industrial Revolution”. Y expande turismo pa medio di Fast Ferry entre e tres islanan Aruba, Corsou y Boneiro.

 

  1. Subsidio pa menor(nan) di edad cu no tin supervision momento cu mayor(nan) ta traha of bai scol. Un menor cu no tin supervision, bo no sa kico e ta hasi of kico ta pasa cu ne. Esaki por tin como consecuensia cu e hoben por bai den mal caminda. Pa medio di e supervision pa hobennan, bo ta traha preventivo. Den futuro e chens cu un hoben ta comberti den un delincuente ta menos. Pa es motibo POR lo introduci un maneho di enseñansa cu materianan extracurricular p.e. arte, musica despues di ora di scol.

 

Door di guia un persona cu ta cobra onderstand pa tin un estudio y na mes momento ta labora, por concientisa nan di e posibilidadnan cu tin pa solicita pa un trabou cu nan ta cualifica pe y cu oportunidad di sigui crece pa tin un miho salario. Di es manera aki nan ta bai biba independiente di e subsidio di gobierno y ta motivanan pa tuma nan mesun responsabilidad. Door di tuma e paso ki, ademas cu ta reduci gasto di gobierno, lo contribui na e parti finaciero economia di Aruba. Contribui na e economia pasobra cu nan lo biba y hasi compras di nan mesun forsa, parti financier cu ta menos gasto pa gobierno. Na mes momento mayor(nan) lo ta duna e ehempel na e jui(nan) pa nan tambe sigui un educacion pa den futuro nan jega na un empleo y tuma nan mesun responsabilidad independientemente.